ਵਿਕਲਪਕ ਤੰਬਾਕੂ ਉਤਪਾਦਾਂ ਦੇ ਸਿਹਤ ਸੰਬੰਧੀ ਜੋਖਮ
ਵਿਕਲਪਕ ਤੰਬਾਕੂ ਉਤਪਾਦਾਂ ਦੇ ਸਿਹਤ ਸੰਬੰਧੀ ਜੋਖਮ
- ਬੀ.ਸੀ. ਵਿੱਚ ਵੇਚੇ ਜਾਣ ਵਾਲੇ ਤੰਬਾਕੂ ਉਤਪਾਦਾਂ ਦੀ ਕੀ ਰੇਂਜ ਹੈ?
- ਕੀ ਵਿਕਲਪਕ (ਬਦਲਵੇਂ) ਤੰਬਾਕੂ ਉਤਪਾਦ ਸੁਰੱਖਿਅਤ ਹਨ?
- ਤੰਬਾਕੂ ਉਤਪਾਦਾਂ ਦੀਆਂ ਵੱਖ - ਵੱਖ ਕਿਸਮਾਂ ਦੀਆਂ ਕਿਹੜੀਆਂ ਸਿਹਤ ਸੰਬੰਧੀ ਚਿੰਤਾਵਾਂ ਹਨ?
- ਬੀੜੀਆਂ
- ਕ੍ਰੈਟੇਕਸ
- ਹੁੱਕੇ
- ਕੁਦਰਤੀ, ਔਰਗੈਨਿਕ ਜਾਂ ਮਿਲਾਈ ਗਈ ਕਿਸੇ ਵੀ ਹੋਰ ਚੀਜ਼ ਰਹਿਤ ਦੇ ਲੇਬਲ ਵਾਲੇ ਤੰਬਾਕੂ ਉਤਪਾਦ ਵਰਤਣ ਲਈ ਸੁਰੱਖਿਅਤ ਹਨ?
- ਕੀ ਈੁਸਿਗਰੇਟਾਂ ਵਰਤਣ ਲਈ ਸੁਰੱਖਿਅਤ ਹਨ?
ਬੀ.ਸੀ. ਵਿੱਚ ਵੇਚੇ ਜਾਣ ਵਾਲੇ ਤੰਬਾਕੂ ਉਤਪਾਦਾਂ ਦੀ ਕੀ ਰੇਂਜ ਹੈ?
ਕੀ ਵਿਕਲਪਕ (ਬਦਲਵੇਂ) ਤੰਬਾਕੂ ਉਤਪਾਦ ਸੁਰੱਖਿਅਤ ਹਨ?
ਤੰਬਾਕੂ ਉਤਪਾਦਾਂ ਦੀਆਂ ਵੱਖ - ਵੱਖ ਕਿਸਮਾਂ ਦੀਆਂ ਕਿਹੜੀਆਂ ਸਿਹਤ ਸੰਬੰਧੀ ਚਿੰਤਾਵਾਂ ਹਨ?
ਬੀੜੀਆਂ
ਬੀੜੀਆਂ, ਪੱਤਿਆਂ ਵਿੱਚ ਲਪੇਟੀਆਂ ਅਤੇ ਰੰਗਦਾਰ ਧਾਗਿਆਂ ਨਾਲ ਬੰਨ੍ਹੀਆਂ ਹੋਈਆਂ ਤੰਬਾਕੂ ਦੀਆਂ ਪਤਲੀਆਂ ਸਿਗਰੇਟਾਂ ਹੁੰਦੀਆਂ ਹਨ ਕਿਉਂਕਿ ਬੀੜੀਆਂ ਨੂੰ ਕਾਗਜ਼ ਦੀ ਬਜਾਏ ਪੱਤਿਆਂ ਵਿੱਚ ਲਪੇਟੀਆਂ ਹੁੰਦੀਆਂ ਹਨ, ਕਿਸ਼ੋਰ ਇਹ ਸਮਝ ਸਕਦੇ ਹਨ ਕਿ ਇਹ ਸਿਗਰੇਟਾਂ ਲਈ ਇੱਕ ਸੁਰੱਖਿਅਤ, ਕੁਦਰਤੀ ਵਿਕਲਪ ਹਨ। ਆਮ ਸਿਗਰੇਟਾਂ ਨਾਲੋਂ ਘੱਟ ਤੰਬਾਕੂ ਹੋਣ ਦੇ ਬਾਵਜੂਦ, ਬੀੜੀਆਂ ਵਿੱਚ ਨਿਕੋਟੀਨ, ਲੁੱਕ ਅਤੇ ਕਾਰਬਨ ਮੋਨੋਆਕਸਾਇਡ ਦੇ ਜਿਆਦਾ ਉੱਚੇ ਸਤਰ ਹੋ ਸਕਦੇ ਹਨ।ਬੀੜੀਆਂ ਅਸਾਨੀ ਨਾਲ ਜਲਦੀਆਂ ਨਹੀਂ ਰਹਿੰਦੀਆਂ, ਇਸ ਕਰਕੇ ਇੰਨਾਂ ਨੂੰ ਪੀਣ ਵਾਲੇ ਲੋਕਾਂ ਨੂੰ ਇੰਨਾਂ ਨੂੰ ਜਲਦਾ ਰੱਖਣ ਲਈ ਜਿਆਦਾ ਜ਼ੋਰ ਦੀ ਕਸ਼ ਖਿੱਚਣਾ ਪੈਂਦਾ ਹੈ ਅਤੇ ਧੂੰਏਂ ਨੂੰ ਜਿਆਦਾ ਡੂੰਘਾਈ ਨਾਲ ਆਪਣੇ ਫੇਫੜਿਆਂ ਦੇ ਅੰਦਰ ਖਿੱਚਣਾ ਪੈਂਦਾ ਹੈ। ਬੀੜੀਆਂ ਪੀਣ ਵਾਲੇ ਲੋਕ ਦਿਲ ਦੀ ਬੀਮਾਰੀ ਅਤੇ ਮੂੰਹ, ਫੇਫੜਿਆਂ, ਪੇਟ ਅਤੇ ਗਲੇ ਦੇ ਕੈਂਸਰਾਂ ਦੇ ਆਪਣੇ ਜੋਖਮ ਨੂੰ ਵਧਾਉਂਦੇ ਹਨ।
ਕ੍ਰੈਟੇਕਸ
ਕ੍ਰੈਟੇਕਸ ਤੰਬਾਕੂ, ਪੀਸੇ ਹੋਏ ਲੌਗਾਂ ਅਤੇ ਦੂਸਰੇ ਮਿਲਾਏ ਗਏ ਪਦਾਰਥਾਂ ਦੀਆਂ ਬਣੀਆਂ ਇੰਡੋਨੇਸ਼ੀਅਨ ਸਿਗਰੇਟਾਂ ਹਨ।ਕ੍ਰੈਟੇਕਸ ਨੂੰ ਕਈ ਵਾਰੀ ਕੁਦਰਤੀ ਤੰਬਾਕੂ ਦੀ ਤਰ੍ਹਾਂ ਲੇਬਲ ਕੀਤਾ ਜਾਂਦਾ ਹੈ।ਇਹ ਭੁਲਾਵਾਂ ਹੋ ਸਕਦਾ ਹੈ ਕਿਉਂਕਿ ਕੁਦਰਤੀ ਤੰਬਾਕੂ ਆਮ ਸਿਗਰੇਟਾਂ ਜਿੰਨਾ ਹੀ ਹਾਨੀਕਾਰਕ ਹੋ ਸਕਦਾ ਹੈ। ਕ੍ਰੈਟੇਕਸ ਪੀਣ ਵਾਲਿਆਂ ਨੂੰ ਫੇਫੜਿਆਂ ਵਿੱਚ ਪਾਣੀ, ਕੋਸ਼ਕਾਵਾਂ ਵਿੱਚੋਂ ਰਿਸਾਵ ਅਤੇ ਸੋਜਸ਼ ਸਮੇਤ, ਫੇਫੜਿਆਂ ਨੂੰ ਨੁਕਸਾਨ ਦੇ ਵੱਖ ਵੱਖ ਰੂਪਾਂ ਦਾ ਜਿਆਦਾ ਜੋਖਮ ਹੁੰਦਾ ਹੈ ਅਤੇ ਸਿਗਰੇਟ ਨਾ ਪੀਣ ਵਾਲਿਆਂ ਤੇ ਮੁਕਾਬਲੇ ਫੇਫੜਿਆਂ ਦੇ ਅਸੁਭਾਵਿਕ ਢੰਗ ਨਾਲ ਕੰਮ ਕਰਨ ਦਾ ਜੋਖਮ ੧੩ ਤੋਂ ੨੦ ਗੁਣਾ ਜਿਆਦਾ ਹੁੰਦਾ ਹੈ।
ਹੁੱਕੇ
ਹੁਕੇ ਵੌਟਰਪਾਇਪ ਰਾਹੀਂ ਤੰਬਾਕੂ ਪੀਣ ਦੀ ਤਰੀਕਾ ਹੈ ਜਿਸਦੀ ਸ਼ੁਰੂਆਤ ਈਰਾਨ ਅਤੇ ਹਿੰਦੁਸਤਾਨ ਵਿੱਚ ਹੋਈ। ਤੰਬਾਕੂ ਨੂੰ ਸੁਗੰਧ ਦੇ ਨਾਲ ਮਿਲਾਇਆ ਜਾਂਦਾ ਹੈ ਅਤੇ ਗਰਮ ਕੋਲਿਆਂ ਹੇਠ ਹੁੱਕੇ ਦੇ ਸਿਰ ਵਿੱਚ ਰੱਖਿਆ ਜਾਂਦਾ ਹੈ। ਤੰਬਾਕੂ ਪੀਣ ਵਾਲਾ ਪਾਇਪ ਦੇ ਰਾਹੀਂ ਧੂੰਏਂ ਨੂੰ ਅੰਦਰ ਖਿੱਚਦਾ ਹੈ ਅਤੇ ਧੂੰਆਂ ਸਾਹ ਰਾਹੀਂ ਅੰਦਰ ਖਿੱਚੇ ਜਾਣ ਤੋਂ ਪਹਿਲਾਂ ਪਾਣੀ ਦੇ ਇੱਕ ਕਟੋਰੇ ਵਿਚੋਂ ਲੰਘਦਾ ਹੈ। ਹੁਕੇ ਸਿਗਰੇਟਾਂ ਲਈ ਸੁਰੱਖਿਅਤ ਵਿਕਲਪ ਨਹੀਂ ਹਨ। ਵੌਟਰਪਾਇਪ ਰਾਹੀਂ ਤੰਬਾਕੂ ਪੀਣਾ ਤੰਬਾਕੂ ਪੀਣ ਵਾਲੇ ਦਾ ਸੰਪਰਕ ਸਿਗਰੇਟ ਦੀ ਤਰ੍ਹਾਂ ਹੀ ਬਹੁਤ ਸਾਰੇ ਕੈਂਸਰ ਦਾ ਕਾਰਣ ਬਣਨ ਵਾਲੇ ਸਮਾਨ ਰਸਾਇਣਾਂ ਨਾਲ ਕਰਵਾਉਂਦਾ ਹੈ। ਇਸ ਤੋਂ ਇਲਾਵਾ, ਹੁੱਕਾ ਪੀਣ ਵਾਲਾ ਸਮੇਂ ਦੀ ਲੰਮੀ ਮਿਆਦ ਦੌਰਾਨ ਸਿਗਰੇਟਾਂ ਦੇ ਮੁਕਾਬਲੇ ਜਿਆਦਾ ਧੂੰਆਂ ਸਾਹ ਅੰਦਰ ਖਿੱਚ ਸਕਦਾ ਹੈ। ਹੁੱਕਾ ਪੀਣ ਦੀ ਇੱਕ ਬੈਠਕ ਦੇ ਦੌਰਾਨ, ਹੁੱਕਾ ਪੀਣ ਵਾਲਾ ੧੦੦ ਸਿਗਰੇਟਾਂ ਦੇ ਬਰਾਬਰ ਧੂੰਏਂ ਦੀ ਮਾਤਰਾ ਨੂੰ ਸਾਹ ਰਾਹੀਂ ਆਪਣੇ ਅੰਦਰ ਖਿੱਚ ਸਕਦਾ ਹੈ।
ਕੁਦਰਤੀ, ਔਰਗੈਨਿਕ ਜਾਂ ਮਿਲਾਈ ਗਈ ਕਿਸੇ ਵੀ ਹੋਰ ਚੀਜ਼ ਰਹਿਤ ਦੇ ਲੇਬਲ ਵਾਲੇ ਤੰਬਾਕੂ ਉਤਪਾਦ ਵਰਤਣ ਲਈ ਸੁਰੱਖਿਅਤ ਹਨ?
ਕਈ ਤੰਬਾਕੂ ਕੰਪਨੀਆਂ ਉਤਪਾਦਾਂ ਤੇ ਕੁਦਰਤੀ, ਔਰਗੈਨਿਕ ਜਾਂ ਮਿਲਾਈ ਗਈ ਕਿਸੇ ਵੀ ਹੋਰ ਚੀਜ਼ ਰਹਿਤ ਦੇ ਲੇਬਲ ਲਗਾ ਦਿੰਦੀਆਂ ਹਨ।ਤੰਬਾਕੂ ਦੇ ਇਹ ਉਤਪਾਦ ਸਿਗਰੇਟਾਂ ਨਾਲੋਂ ਜਿਆਦਾ ਸੁਰੱਖਿਅਤ ਨਹੀਂ ਹੁੰਦੇ। ਜਲਾਏ ਜਾਣ ਤੇ, ਤੰਬਾਕੂ ਅਤੇ ਉਸ ਦੇ ਉਪੁਉਤਪਾਦ ਸਿਗਰੇਟ ਵਿਚਲੀਆਂ ਸਭ ਤੋਂ ਜਿਆਦਾ ਖਤਰਨਾਕ ਸਮੱਗਰੀਆਂ ਹੁੰਦੀਆਂ ਹਨ। ਬੀੜੀਆਂ ਅਤੇ ਕ੍ਰੈਟੇਕਸ ਤੰਬਾਕੂ ਉਤਪਾਦਾਂ ਦੇ ਉਹ ਉਦਹਾਰਣ ਹਨ ਜਿੰਨਾਂ ਨੂੰ ਕੁਦਰਤੀ ਪਦਾਰਥਾਂ ਦੀ ਤਰ੍ਹਾਂ ਪ੍ਰਚਾਰਿਆ ਜਾਂਦਾ ਹੈ।
ਕੀ ਈੁਸਿਗਰੇਟਾਂ ਵਰਤਣ ਲਈ ਸੁਰੱਖਿਅਤ ਹਨ?
ਧੂਮਰਪਾਨ ਦੇ ਇਲੈਕਟ੍ਰੌਨਿਕ ਉਤਪਾਦ (ਜਿੰਨਾਂ ਨੂੰ ਈੁਸਿਗਰੇਟਾਂ, ਇਲੈਕਟ੍ਰੌਨਿਕ ਸਿਗਰੇਟਾਂ ਜਾਂ ਵੇਪਰ (ਵੳਪੁੋਰ) ਦੀ ਤਰ੍ਹਾਂ ਵੀ ਜਾਣਿਆ ਜਾਂਦਾ ਹੈ) ਜਿਹੜੇ ਲੋਕਾਂ ਨੂੰ ਸਿਗਰੇਟ ਪੀਣਾ ਛ'ਡਣ ਵਿੱਚ ਸਹਾਇਤਾ ਕਰਨ ਦਾ ਦਾਅਵਾ ਕਰਦੇ ਹਨ ਜਾਂ ਜਿੰਨਾ ਵਿੱਚ ਨਿਕੋਟੀਨ ਹੁੰਦੀ ਹੈ, ਹੈਲਥ ਦੁਆਰਾ ਵਿਕਰੀ ਜਾਂ ਵਰਤੋਂ ਵਾਸਤੇ ਮਾਨਤਾ ਪ੍ਰਾਪਤ ਨਹੀਂ ਹਨ। ਇੰਨਾਂ ਉਤਪਾਦਾਂ ਦੀ ਸੁਰ'ਖਿਆ,ਕੁਸ਼ਲਤਾ ਅਤੇ ਗੁਣਵੱਤਾ ਦਾ ਹੈਲਥ ਦੁਆਰਾ ਪੂਰੀ ਤਰ੍ਹਾਂ ਮੁਲਾਂਕਣ ਨਹੀਂ ਕੀਤਾ ਗਿਆ ਹੈ ਅਤੇ ਇਹ ਉਤਪਾਦ ਸਿਹਤ ਲਈ ਖਤਰਨਾਕ ਹੋ ਸਕਦੇ ਹਨ।
ਸਰੋਤ :
ਆਖਰੀ ਵਾਰ ਸੰਸ਼ੋਧਿਤ : 6/15/2020
